Міністэрства культуры Рэспублікі Беларусь

Мерапрыемства адбылося 19 мая 2026 года ў Нацыянальнай бібліятэцы Беларусі.

Наталля Петкевіч адзначыла, што ў творчых саюзаў Беларусі і дзяржаўных органаў мэты аднолькавыя.

«У першую чаргу гэта развіццё нацыянальнай культуры. Гэта велізарны пласт пытанняў. Развіваць культуру, захоўваць і прымнажаць нашу спадчыну мы павінны разам, — сказала віцэ-прэм’ер. — Але самае галоўнае — тое, што трэба займацца адзіна важным — нацыянальнай культурай. Я б прапанавала аб’яднаць намаганні — з розных бакоў падысці да пытання развіцця нашай нацыянальнай годнасці, розных відаў мастацтва і працаваць разам дзеля дабра нашай краіны, нашага народа».

Наталля Петкевіч прапанавала экспертам абмеркаваць, што трэба зрабіць для таго, каб маладыя таленты развіваліся і тварылі ў нашай краіне.

«Хочацца пачуць, што неабходна зрабіць, каб была адпаведная абстаноўка і атмасфера для таго, каб хацелася тварыць. Зразумела, матэрыяльны бок, ён важны, але адны грошы не дадуць талентаў. Значыць, трэба, каб была яшчэ і сукупнасць іншых умоў. Пагаворым пра тое, што мы ўсе разам можам прыўнесці ў развіццё нацыянальнай культуры», — падкрэсліла Намеснік Прэм’ер-міністра.

«Вельмі хочацца, каб немагчыма было купіць білет у філармонію, таму што там выконваюць творы нашы выканаўцы. Хочацца, каб у тэатрах ішлі нашумелыя пастаноўкі. Вельмі хочацца, каб нашы піяністы, скрыпачы і іншыя музыкі давалі свае канцэрты на радзіме. Хочацца хадзіць на выставы нашых мастакоў і каб іх з’яўлялася больш. Хочацца, каб выдаваліся і былі запатрабаваны беларускія паэты і пісьменнікі. Таму што ў Беларусі ёсць выключна таленавітыя людзі. У нас велізарны патэнцыял», — сказала Наталля Петкевіч.

Міністр культуры Марат Маркаў у сваю чаргу заклікаў удзельнікаў сустрэчы быць гранічна адкрытымі і выказаць у тым ліку існуючыя праблемы.

Прадстаўнікі творчых саюзаў расказалі, што робяць для развіцця нацыянальнай культуры, а таксама абазначылі кропкі росту і напрамкі для пашырэння супрацоўніцтва. Наталля Петкевіч адзначыла важнасць мінулай сустрэчы і абмену меркаваннямі і выказала гатоўнасць да працягу дыялогу для развіцця сферы культуры.

Інфармацыя з афіцыйнага сайта Савета Міністраў Рэспублікі Беларусь.